不是影評：Toy Story 4《反斗奇兵4》

嘩，對上一次看Toy Story，原來是9年前！重看自己寫的 影評，竟然一點印象都沒有！

今次入場看Toy Story 4，的而且確是情意結。事前沒期望，最感興趣是聽到我偶像奇洛李維斯 (Keanu Reeves) 聲演的勁爆公爵(Duke Caboom)，chok都得好搞笑，其實都有驚喜的。

記憶中有很多可愛玩具，如胡迪、巴斯光年、翠絲、三眼仔、薯蛋頭、彈弓狗，可惜大家都變了大茄（喱啡）主角反而是胡迪和牧羊女！今次的角色設計都成熟了，已經不是單純的玩具，有自己開創新天地的想法。尤其是牧羊女，型到似rambo，仲充滿住迪士尼女性主義抬頭的意識。

 新角色有小叉「Forky」，一直以為自己是垃圾，但得到胡迪的鼓勵，它才有自己的身份認同。另外勁爆公爵勁搞笑，其實係kai kai地，很多人喜歡下把位的Ducky & Bunny，專搞爛gag，我個人唔太鍾意它的造型，但笑位係好精準的。廣東話配音由奴與占負責，應該更抵死有趣。

最令我感動係，一班朋友仔「齊上齊落」，「一個都不能少」的團結精神，感觸。

我看果場係有小朋友的，大放笑彈，大人和小朋友的笑位唔同，但總算喺呢個咁沉重的時候，好好輕鬆一下心情啦。